Երեկոն նորից իր պաղ թևերը փռեց ամենուր։ Մնացի աննկատ իմ անկյունում։
Այլևս ոչ ոքի չէի սպասում, երբ մեկը թակեց իմ սեղանը, գլուխս դուրս հանեցի՝ Կաման էր՝
երկու երեխաների հետ։
-
Կարելի՞ է։
-
Իհարկե,- ավելի
շատ զարմացա, քան ուրախացա՝ տեսնելով նրան։
-
Ինչպե՞ս եք,- նստելով
սկսեց նա։ Երկու աղջնակները նստեցին նրա կողքը՝ մեկի աչքերը կանաչ էին՝ համահունչ շիկահեր
գանգուրներին, մյուսինը կապույտ։
-
Սիրունիկ են աղջիկներդ,-
նկատեցի ես,- Կանաչ ու կապույտ աչքերով ու՞մ են նման։
-
Մեծը ամուսնուս
նման է, փոքրը եղբորս։
-
Ձեզանից ի՞նչ կա։
-
Ոչինչ, այնքան նեղված
եմ, մնացել ենք մենակ ճամբարում, բոլոր՝ մեր հետ եկածները վաղուց գնացել են, իսկ մենք․․․
արդեն վայրենանում ենք։
-
Այո՛։ Սևդան էր
զանգահարել։
-
Նա ինձ էլ էր զանգահարել,
գոհ է իր տեղից, երեխան արդեն պարտեզ է գնում, Էլչիմը շուտով աշխատանք կունենա։
-
Այո, գոհ էր, լավ
մարդկանց լավ կյանքն ափսոս չէ։ Սևդան անչափ բարի էր իմ նկատմամբ։
-
Միշտ ուզում էի
Սևդայի հետ ձեզ մոտ գալ, պարզապես ժամանակ չէի ունենում։
-
Այո, Սևդան էլ էր
միշտ ժամանակից բողոքում, բայց պահեր կան, արդեն անցյալ են դառնում և այնքան էլ կարևոր
չէ։ Էլի լվացքատա՞նն ես աշխատում,- հետաքրքրվեցի ես։
-
Այո՛, դրա համար
էլ ժամանակ չեմ ունենում։ Լվացք ունենալուց բերեք։
-
Շնորհակալ եմ, կբերեմ,
այլապես ալբանացին իմ լվացքը չի ընդունում։
-
Նրանց շուտով ետ
կուղարկեն Ալբանիա,այնպես որ․․․,- ձեռքը թափահարեց Կաման, իսկ այդ պահին փոքր աղջնակն
արդեն սեղանի տակ էր։
-
Այսօր Մեհտին ինձ
շամպուն է խոստացել, գնամ, որպեսզի վերցնեմ։
-
Ո՞վ է Մեհտին։
-
Ադրբեջանցի է։
-
Ա՜, ճանաչում եմ,
մի անգամ նրան տեսել եմ ճաշարանում։ Վերջերս է եկել՝ այո՞։
-
Բոլորն էլ վերջերս
են եկել,- նորից վրդովվեց Կաման, սկսեց սեղանի տակից դուրս քաշել երեխային, իսկ նա
ոչ մի կերպ չէր ուզում դուրս գալ, բայց հաղթեց Կաման և ոտքի կանգնեց,- Պետք է գնամ,
այլապես երեխաները շուտով այստեղ կավիրեն։
-
Ու՞ր, մենք դեռ
չենք սրճել,- նա նորից նստեց տեղը, երեխային նստեցնելով կողքը։
-
Նրանք շատ շարժունակ
են, իսկ ճամբարում խաղալու տեղ չկա,- բողոքեց Կաման, ապա մի կում արեց սուրճից։
-
Իսկ իմ կարծիքով
խաղալու տեղ շատ կա, պարզապես խաղալու ձևն է բացակայում, քանի որ մյուս երխաները պարզապես
աղմկում են՝ սլանալով վրանի մի ծայրից մյուսը։
-
Այո՛, ազատությունը
նրանց դարձնում է վայրի կամ էլ այդպիսին եկել են։
-
Գո՞ւցե։
-
Դե մենք գնանք,
արդեն աշխատանքի ժամն է։ Եկե՛ք մեզ մոտ, ես չեմ կարողանում ժամանակ գտնել։
-
Շնորհակալ եմ, կգամ։
Երեխաների հետ նա դուրս եկավ։ Չմուշկներով սլացողների արանքով
մի կերպ անվնաս հասավ դռանը։ Նորից մնացի իմ անկյունում՝ անորոշ, սակայն և մտազբաղ։
Комментариев нет:
Отправить комментарий