Երբ Կորին հայտնվեց
միայնակ տան բակում, այն մի տեսակ լքված ու ցուրտ թվաց։ Ուզեց մտնել այգի, դուռը փակ
էր։ Թակեց գլխավոր դուռը։ Երևաց Մալեն։
-
Բարեկա´մ, դու՞ ես,- առանց ոգևորության ժպտաց
նա։
-
Իսկ որտե՞ղ է Մարկոսը- անհամբեր հարցրեց
Կորին՝ շարունակ հայացքով փնտրելով նրան։
-
Այնտե´ղ,- ձեռքով դեպի ներսը ցույց տվեց
Մալեն։
-
Կարո՞ղ եմ նրան տեսնել։
-
Նա՝ ինքը դուրս կգա, սպասի´ր։
Կորին ավելի անհանգստացավ,
երբ երևաց Մարկոսը։ Նա տխուր էր։
- Ինչու՞ ես նրան
դռանը սպասեցնում,- տեսնելով հյուրին՝ դիմեց Մալեին, ապա Կորիին,- Նե´րս արի, Կանա´չ աչք։
Մալեն դռնից մի
կողմ քաշվեց։ Կորին ներս մտավ, մնաց զարմացած։
-
Ինչու՞ է այսպես,- շուրջը նայելով, հարցրեց նա։
-
Ի՞նչը քեզ զարմացրեց։
-
Չկա առաջվա լույսը, չկա այն հորիզոնի արևը։
Ու՞ր է կորել, ինչու՞ է սրահը մթնել։
Մարկոսը խորը հոգոց հանեց․
-
Սիրելի´ Կանաչ աչք, լույսի պակասելը նշանակում
է՝ մենք տանուլ ենք տալիս։
- Այսինքն՝ ինչպե՞ս,-
Կորին լսածից շանթահար եղավ։
-
Այսինքն՝ մեր մարդասիրական ծրագիրը ձախողվում
է կամ պարտվում, ինչպես կուզես, հասկացիր։
- Մի՞թե ելք չկա,
գոնե կարո՞ղ եք ինձ ուղղությու´ն ցույց տալ, ես կպայքարեմ Ադամանդի դեմ։ Կարծում եմ,
եթե չպայքարենք, ապա մեր հանդուրժողականությունը կդառնա սովորության պես մի բան, կսկսենք
նույնիսկ ենթարկվել այս իրավիճակին։
-
Այո´, դու ճիշտ ես, ցավոք, մարդը ավելի արագ
է հարմարվում վատին։ Մենք՝ մարդասերներս, կարծես վեր ենք ածվում լոկ գաղափարակիրների,
իսկ գիշեր ու զոր գործում են մարդատյացները․․․- երկար լռելուց հետո, պատասխանեց Մարկոսը։
-
Իսկ եթե արևը նորի՞ց լուսավորեր այս սրահը,-
անսպասելի Մարկոսի համար՝ հարց տվեց Կորին։
-
Այն այնքան էլ հեշտ չէ, բայց այդ դեպքում
առաջին հերթին աննկատ կսկսվի անհետանալ քաղաքի եղյամը։ Դրանով գոնե կթուլանա Ադամանդի
դիրքերը, բայց այն ժամանակ կպահանջի։
-
Իսկ մենք արագ կգործենք, մի՞թե միայն գաղափարակիրներ
ենք, իսկ այն հզոր բանա՞կը, չէ՞ որ միշտ պայքարում ենք նրա դեմ․․․
-
Սիրելի´ Կանաչ աչք, մենք ընդամենը կանխում
ենք կործանարար հետևանքը, բայց չարի հաղթանակն օրեցօր ակնհայտ է դառնում և տարածվում․․․
-
Նրա հաղթանակն արյունոտ է, իսկ մարդը փախչում
է նրանից,- ոգևորվեց Կորին։
-
Դա քիչ է հուզում նրան։ Ցավոք, նրա հաղթանակը
նաև նոր զենքն է, որը ծնվում է զարգացող գիտությունից։ Կարծես գիտությունը դադարել
է շրջահայաց լինել և շարունակում է վառ պահել այն վառոդը, որի պայթյունից ինքն է առաջինը
հոդս ցնդելու։
Կորին լուռ նայեց
սրահին։
-
Մի՞թե ոչ մի հնարավորություն չունենք։
-
ՈՒժեղ կամքի առկայության դեպքում, անհնարին
ոչինչ չկա։
-
Ո՞րն է,- ուրախացած ոգևորվեց Կորին։
-
Որքան էլ ինքս ինձ հակասելու տպավորություն
թողնեմ, միակ ճշմարտությունը՝ գիտությամբ հաղթել
գիտությանը․․․
-
Ինչպե՞ս, իսկ Աբգարը կարո՞ղ է դա անել։
-
Ո´չ, գիտնականն այստեղ ոչ մի կապ չունի։
Մենք պետք է կարողանանք ետ բերել այս սրահի լույսը․․․
Կորին նայեց դատարկ
հորիզոնին, որտեղ մշուշի միջից նշմարվում էր սպիտակ եղյամը։
-
Իսկ ինչպե՞ս հասնել այնտեղ, ինչպե՞ս է այն
կոչվում,- անհամբերությամբ հետաքրքրվեց Կորին։
-
Արևի երկիր, իսկ այնտեղ տանող միակ ճանապարհն
այս հանգչող հորիզոնն է,- մտահոգ պատասխանեց Մարկոսը՝ ցույց տալով սրահի ծայրից երևացող
մշուշը․․․
-
Եթե այս սրահն է բարու և մարդասիրության
խորհրդանիշը, ետ կվերադարձնեմ նրա լույսը, և այն կդառնա անմար,- ասաց Կորին և ուզեց
անհետանալ հորիզոնի մշուշում։
-
Սպասի՛ր Կանաչ աչք,- հրահանգեց Մարկոսը,
ետ պահելով նրան,- Դու վստա՞հ ես։
-
Այո՛,- ոգևորված պատասխանեց նա, ապա գլուխը
կախեց,- Այսինքն կփորձեմ։
-
Այդ ճամփան երկար է ու դժվար։ Եթե հանձն
ես առնում՝ կես ճամփից դու չես կարող ետ դառնալ, իսկ մինչև վերջ գնալու համար, պետք
է ուժերդ խնայես՝ երբեմն հանգիստ առնելով, կարևոր է հիշել՝ քո ուժերը բնատուր չեն՝
խնայի՛ր այն։
-
Այո՛ Մարկոս, շնորհակալ եմ,- պատասխանեց
Կորին և անհետացավ հորիզոնի մշուշում։
Комментариев нет:
Отправить комментарий