-
Է~յ դու´, ո՞վ ես,- բարձրացնելով աղջկա գլուխը, հարցրեց նա:
-
Ես Էմմին եմ…,- անսպասելի պատանու համար` հազիվ լսելի շշնջաց
աղջիկը:
-
Դու կարո՞ղ ես քայլել,- դեպի բակը նայելով շտապողական հարցրեց
նա:
-
Երևի կարող եմ,- նորից շշնջաց աղջիկը:
-
Այդ դեպքում վե´ր կաց քայլիր, մենք պիտի շատ արագ լքենք այս
տունը, այն շուտով փուլ կգա, շուրջ բոլորը տարօրինակ ցեխով է լցվում,- ասաց Էդգարը
և օգնեց աղջկան ոտքի կանգնելու:
Էմմին երերալով
քայլեց: Նրանք հայտնվեցին բակում: Էդգարը, աղջկա թևից բռնած, ելք էր փնտրում, երբ վերջինս
ասաց.
-
Սա մեր տունն է, ես այս տեղերը լավ գիտեմ, տան ետևում դեպի մոտակա
սարը տանեղ ճամփա կա:
-
Իսկ ես կարծում էի կորած ենք, շուրջը ոչինչ չի երևում, դե քայլեցի´նք,-
ոգևորվեց պատանին:
Թանձրացող ծխից
Էմմին սկսեց հազալ: Էդգարը անսպասելի պատռեց նրա շրջազգեստի փեշը, կապեց աղջկա քիթ
ու բերանը: Էմմին զարմացած մեկ նայեց նրան, մեկ էլ մերկ ազդրերին, իսկ պատանին լուռ
ժպտաց.
-
Մինչև սարը, դեռ պիտի քայլենք, հապաղելը մահ է, գնացի´նք,- նա
բռնեց Էմմիի ձեռքից և լքեցին տունը, որի տանիքը սկսեց ճռռալով թեքվել, երբ նրանք արդեն
բարձրանում էին սարը: Աղջիկը մի ետ հայացք գցեց փուլ եկող հարազատ տան կողմը և իրեն
փրկող պատանու հետ կորան ծխի և մշուշի մեջ:
Комментариев нет:
Отправить комментарий