Անսպասելի վեր խոյացող
խառույկը, նորից վերափոխվեց կնոջ և կանգնեց ուղիղ Գրինյուսի դիմաց:
Երևացող հրե գագաթից
դեռ շարունակվում էին պոկվել կրակե լեզվակները և վեր բարձրանալով
դառնում հրե թռչուններ, միանում Ֆլամեին:
-
Գրինյուս, դու տեսնո՞ւմ ես, թե
որքա՞ն արագ են բազմանում իմ զաքվակները,-
թևերը տարածելով իր շուրուջը, շարունակեց հեգնել հրե կինը:
Ծերունին տխուր նայեց վեր:
-
Որքա՜ն գեղեցիկ են,- ակամա դուրս թռավ Էմմիի բերանից:
-
Այո՛, գեղեցիկ և սպանիչ,- մտահոգ արտաբերեց Գրինյուսը, հայացքը հառած
հրե թռչուններին:
-
Ծերու՛կ, ճանաչի՝ր պարտությունդ
և դադարիր օգնություն հայցել մարդուց,- Ֆլամեն
խոսքի հետ քամհարանքով ցույց տվեց պատանուն և աղջկան, ապա շարունակեց,- Չէ որ մարդն
է քեզ դարձրել այդպես խղճուկ ու ծերացող, իսկ ես այդ դեպքում քեզ կշրջանցեմ մեծահոգաբար:
Ներկա ժամանակում, բացի պարտված լինելուց, նաև
զառամյալ ես, ապա ինձ նայիր, թե որքան հզոր եմ, եթե շարունակես հույս կապել
մարդու հետ, քեզանից միայն մոխրի կույտեր կմնան, իսկ լավագույն դեպքում՝ կոճղեր:
Ֆլամեի լեզվակները տարածվեցին գետնով, նորից վերածվելով խառույկի, բարձրացան մինչև ամպերը:
Էմմին ու Էդգարը տարածվող ջերմությունից ավելի կուչ եկան:
-
Ա՛խ դու, հանդուգն հիմար, ինչպե՞ս ես խոսում ինձ հետ,- տվրթաց Գրինյուսը
և պղտոր ջրի մի շիթ բաց թողեց Ֆլամեի վրա: Կրակը կիսատվեց և նրանից ծուխ ու գոլորշի
բարձրացավ: Այդ պահին երկնքում ճախրող հազարավոր
թռչուններից իջան, ակնթարթորեն լրացրեցին Ֆլամեին:
-
Ահա՛ Գրինյուս, տես թե ո՞րն է իմ առավելությունը,
իսկ երբ դու ես կիսատվում, քեզ տարիներ են անհրաժեշտ վերականգնվելու, կամ արդյո՞ք այդ
նույն մարդը թույլ կտա քեզ վերականգնվել,- ասաց ինքնաբավ Ֆլամեն և սկսեց ծիծաղել,- Հա՜…հա՜… հա՜…
Ֆլամեի պահվածքից
ծերունին ավելի բորբոքվեց և նորից ջրի շիթը բաց թողեց նրա վրա: Այս անգամ հրե կինը իր
բոցերով հարձակվեց , իր մեջ առավ Գրինյուսին: Սկսվեց կատաղի մի պայքար: Էմմին ու Էդգարը
անզոր տարածվող ջերմության դեմ, մնացել էին շվարած, բայց հանկարծ
պատանին խառնվեց մարտին և նույն պահին էլ ճչալով ետ քաշվեց.
-
Նա այրու՜մ է, մի՞թե մենք ոչինչ անել չենք կարող:
-
Կարող եք,- լսվեց Արեգանի արձագանքող
ձայնը:
-
Արեգա՜ն,- բացականչեցին պատանիները:
-
Դուք մոռացե՞լ եք լուսատու սրտիկները:
-
Մենք այնքան շփոթված ենք,- փորձեց արդարանալ Էմմին:
-
Դեռ հապաղու՞մ եք, շուտով Գրինյուսից ոչինչ չի մնա:
-
Վառվե՛ք սրտիկնե՛ր,- ձեռքերը դեպի Ֆլամեն մեկնած, գոչեցին
նրանք:
Սրտիկներից
երկնագույն կայծեր բոցկլտացին, որից Ֆլամեն թուլացավ, տարածվեց գետին, հետզհետե քաշվեց,
հեռացավ: Մի ակնթարթում հայտնվեց երևացող գագաթին
և նրա բոցերը հասան ամպերին:
Գրինյուսը
երերալով ոտքի կանգնեց՝ խանձված ու կիսաայրված , նրանից բարձրանում էր թանձր ծուխ ու
գոլորշի:
-
Շնորհակալ եմ Արեգան,- շշնջաց Գրինյուսը:
-
Նրանց շնորհակալ եղի՝ր,- պատասխանեց Արեգանը, գլխով ցույց
տալով պատանիներին:
-
Այո՛, բայց առանց քո հայտնվելու…,- ծերունին խոսքը կիսատ
նայեց իրեն:
-
Իսկ դուք շատ դանդաղ եք առաջ շարժվում, շտապե՛ք,- մեղմ հանդիմանությամբ
նկատեց Արեգանը: Էմմին ու Էդգարը
լուռ գլխով արեցին, իսկ նա մոտեցավ Գրինյուսին.
-
Արիացի՛ր Գրինյուս, արիացի՛ր…
-
Անիծվածը մարմնիս վրա տեղ չի թողել,- ձեռքերով շոշափելով
խանձված հագուստը տխուր մրմնջաց Գրինյուսը, ապա նայեց Արեգանին, բայց նա արդեն անհետացել էր։
-
Գրինյուս ասա՛ խնդրում եմ, ինչու՞ էր քո բաց թողած ջրի շիթը
այնքան պղտոր,- հարցրեց պատանին, մոտենալով օգնելու ծերունուն հագուստը կարգի բերել,
նրան հետևեց աղջիկը:
-
Ես այն ծովից էի վերցրել այստեղ գալու ճանապարհին,- պատասխանեց
ծերունին և քայլերն ուղղեց սարն ի վար:
-
Գրինյու՛ս, այսուհետ մենք բարեկամնե՞ր ենք,- նրա հետևից ձայն
տվեց Էմմին:
-
Այո՛, բայց այսուհետ նաև ավելի դժվար կլինի ձեր ուղին,- առանց
ետ նայելու պատասխանեց ծերունին:
-
Ինչու՞,- հարցրեցին նրանք միաժամանկ:
-
Օգնելով ինձ, դուք նոր թշնամի վաստակեցիք, Ֆլամեն հզոր ախոյան
է,- պատասխանեց Գրինյուսը և քայլելով տարալուծվեց երևացող թփերի մեջ: Էմմին ու
Էդգարը տխուր իրար նայեցին և շարունակեցին ճանապարհը:
Комментариев нет:
Отправить комментарий