ԱՐԵԳԱՆԸ
Օդը մաքրվեց, երկինքը
դարձավ պարզապես սպիտակ: Մշուշն ու ծուխը վերածվեցին դեղնագորշ ամպերի, կախվեցին երկնքից:
Արագ կատարվող փոփոխությանը պատանիները հետևում էին սարսափով:
-
Ինչպիսի՞ արագությամբ է փոխվում մեր շուրջը, իսկ մեր փրկությունը
այս սարի գագաթն է և մինչև ե՞րբ- տարակուսեց աղջիկը:
-
Որտեղի՞ց են բուսնում նրանք, շուտով կհասնեն ու կխժռեն մեզ,
այնքան շատ են,- հուսահատ մրմնջաց Էդգարը,
թևքով մաքրելով ճակատը:
-
Արի շարունակենք փախչել ավելի հեռուն,- առաջարկեց աղջիկը, առանց
սպասելու վազեց սարն ի վար, բայց ոտքն առավ քարաքոսին ու վայր ընկավ, նա գլորվելով
փորձում էր կառչել ինչ որ բանից:
-
Էմմի՜,- ձայն տվեց պատանին` շտապելով նրան օգնելու:
Մինչ Էդգարը կհասներ
օգնության, նա կտրուկ կանգ առավ` դեմ առնելով արգելքի:
-
Որքա՜ն անփույթ եք:
Էդգարը, դանդաղեցնելով
քայլերը, մնաց զարմացած, իսկ Էմմին իր գլխավերևում տեսավ կանգնած սլացիկ հասակով, երկար գանգուրներով մի տղամարդու, որի ծովի պես խոր աչքերը,
ուղիղ քիթը, լայն ճակատը տիրական տեսք էին տալիս նրան: Անծանոթի մեղեդային ձայնը տարածվեց
ամենուր: Աղջիկն ու պատանին հմայված նրան էին նայում:
-
Դուք ե՞լք եք որոնում, և ո՞րն է այստեղ ելքը,- ձեռքը տարածելով,
անծանոթը, ցույց տվեց շուրջը,- Դուք այն տեսնու՞մ եք,- առանց պատասխանի սպասելու շարունակեց
նա, իսկ սարի գագթին կրակը նորից բոցկլտաց, և կարմիր խառնարանը ավելի բորբոքվեց, որից
սկսեցին պոկվել անհամար կայծեր ու վեր բարձրանալ:
-
Նրանք արթնացնում են իրենց զավակներին,- հայացքը չկտրելով գագաթից
մտահոգ արտաբերեց հայտնված մարդը:
-
Ովքե՞ր, նրանք ովքե՞ր են,- զարմացած ու անհամբեր հետաքրքրվեց
Էդգարը:
-
Կուբիկ-Վանդևն ու Լիվանը: Նրանք լուսնի ծնունդն են և հիմա հաղթելու
մոլուցքով արթնացնում են չարի զավակներին:
Գագաթից պոկվող
կայծերը սկսեցին մեծանալ:
-
Ահա´, Ֆլամեն, կայծերի վերածված բարձրանում է վեր,- շարունակեց
մարդը:
-
Ո՞վ է Ֆլամեն,- հարցրեց Էմմին` զարմանքով նայելով թռչող կայծերին:
-
Ֆլամե՞ն, Ֆլամեն կրակն է և հիմա արթնանում է իր ողջ ուժով:
-
Դուք նու՞յնպես այն հրե գագաթից եք,- հետաքրքրվեց պատանին` հայացքը
չկտրելով թռվռացող կրակներից:
-
Ո´չ, ես Արեգանն եմ, եկել եմ հավերժության ամրոցից :
-
Ինչպե՞ս, ուրեմն դուք բարի՞ եք,- ուրախացավ աղջիկը:
-
Այո´, ես եկել եմ հավերժության ամրոցից, և պետք է պայքարել,
որպեսզի հաջորդ կուբիկին կյանքի կոչի արևը, այլապես շատ երկրներ և ժողովուրդներ կկործանվեն
չարի ուժից:
-
Ինչի՞ մասին է խոսքը, մի՞թե սա ընդամենը հրաբուխ չէ,- Էդգարը
հետաքրքրված ավելի մոտեցավ Արեգանին:
-
Ժամանակը, միայն ժամանակը կտա ձեր հարցերի պատասխանը, իսկ հիմա՝
դուք, որպես ներկա ուղղություն վերցրե՛ք դեպի արևելք, ձեր ուսերին է դրված բարու փրկության
և չարի կործանման առաքելությունը:
-
Բայց մենք...,- կմկմաց Էմմին, նայելով շուրջը և իր խղճուկ տեսքին:
-
Հիասթափվա՞ծ եք, բայց միայն դուք կարող եք կասեցնել չարի հաղթանակը`
օգնելով բարուն:
-
Ինչպե՞ս,- տարակուսած ուսերը թոթովեց աղջիկը:
-
Կործանել Կուբիկ-Վանդևին և Լիվանին, որը իհարկե դժվար խնդիր
է:
Комментариев нет:
Отправить комментарий