...
Երկիր Նաիրիս` շնչով զարթոնքի նոր գարունը նշեց նորընտիր նախագահի հին կերպարով:
ԵՎ եվս հինգ տարի հայոց քարաստանս տեղապտույտ կկատարի սոցիալ-տնտեսական ոլորտում:
ԵՎՍ հինգ տարի հայ գյուղացին գոյատևման շունչ կփնտրի հանդ ու դաշտ ընկած, քարից հաց քամելով:
ԵՎՍ հինգ տարի կշարունակվեն դատարկվել հայկական քարուքանդ գյուղերը:
ԵՎՍ հինգ տարի մենաշնորհները կթևածեն անմրցունակ շուկայում, թելադրելով սեփական խաղի կանոնները:
ԵՎՍ հինգ տարի մանր չինովնիկները արգելք կհանդիսանան հատուկ ծրագրով` երկրի կայացմանը:
ԵՎՍ հինգ տարի հայ տեղացին ճկռած կմնա քսանամյա անտերության լծի տակ:
ԵՎՍ հինգ տարի կարդարացվեն ու կհերոսացվեն ազգային ստահակները:
ԵՎՍ հինգ տարի մշակութային միջակ նախարարությունը կնսեմացնի հազարամյակների ազգային մշակույթը:
ԵՎՍ հինգ տարի գիտության և կրթության նախարարությունը կաղճատի դասագրքերը:
ԵՎՍ հինգ տարի չկրթված դիպլոմավորները կլրացնեն թափուր աշխատատեղերը, որից կհառնեն մանր չինովնիկները:
ԵՎՍ հինգ տարի աթոռակռիվ խաղացող իշխանությունը զարկ կտա կանաչ տարածքների բնաջնջմանը` ի օգուտ քմահաճ քսակավորների:
ԵՎՍ հինգ տարի արդարադատությունը անվերապահորեն կծառայի ստվերային ուժերին և այդ հինգ տարում նա չի նկատի ձի գողացողին և ցմահ կդատի ձու գողացողին:
ԵՎՍ հինգ տարի հայ զինվորի միտքը կթրծվի ոչ թէ պետականամետ, այլ իշխանամետ բարբաջանքով:
ԵՎՍ հիհգ տարի բանակը կծառայի անտարբեր ու գիրացած զինվորական վերադասի կլանին:
ԵՎՍ հինգ տարի գրողների միությունում հարդը կբարձրանա ,ցորենը կիջնի:
ԵՎՍ հինգ տարի մարզպետերի, քաղաքապետերի,գյուղապետերի, ոստիկանապետի, ռեկտորների, բժշկապետերի, քմահաճ նախարարների, դպրոցի տնօրենների եսի բնազդը կթևածի , ոտնահարելով սահմանադրությունը:
ԵՎ վերջապես եվս հինգ տարի հայը կդատապարտվի սպասելուն, այս անգամ ոչ թէ հույսով, այլ իսկապես փոխելու, քանի որ երեք մեծագույն չարիքներից և ոչ մեկը հնարավորություն չի ունենա բռնագրավելու ՀՀ նախագահական աթոռը:
Комментариев нет:
Отправить комментарий